सांगली : तासगावात वाळू तस्करांना रोखण्यास गेलेल्या तहसीलदारांच्या अंगावर वाहन घालून जीवे मारण्याचा प्रयत्न झाल्याची घटना 21 नोव्हेंबरला रात्री घडली. या प्रकरणी तहसीलदार कल्पना ढवळे यांनी तासगाव पोलीस स्टेशनमध्ये तक्रार दिली होती. त्यावर दोघांवर गुन्हा दाखल करून त्यांना अटक करण्यात आली आहे. ही घटना घडून तीन दिवस झाल्यानंतर तहसीलदारानी तक्रार दिली आहे.
बेकायदा वाळू उपसा करणाऱ्या वाळू तस्करांना थांबवण्याचा प्रयत्न करणाऱ्या तासगावच्या तहसीलदार कल्पना ढवळे यांच्या अंगावर पीकअप वाहन घालून जीवे मारण्याचा प्रयत्न झाल्याचा धक्कादायक प्रकार घडला. याप्रकरणी दोघा वाळू तस्करांना तासगाव पोलिसांनी अटक केली. यामध्ये अनिकेत अनिल पाटील आणि गौरव तानाजी पाटील यांचा समावेश आहे. त्यांच्यावर तासगाव पोलिसात गुन्हा दाखल केल्याची माहिती पोलीस उपनिरीक्षक पंकज पवार यांनी दिली. या सिनेस्टाईल थराराची तासगाव तालुक्यात चर्चा होती.
Read more –
